Foto: Majorie Nijbroek

Fratsen Marcel Stroet: Wetholder

  Column

'Maikel, succes jonge", zol ik zeggen, "en zurg dat ie oe stoande holt tussen de gevestigde orde!" Ik wet zeker dat dat neet met zal vallen.

De afgelopen tied is `t toch wal heel barre wat der allemoale gebeurt. Een dame Sips oet Reurle vundt `t onzin um zovulle gezonde beume te kappen langs de N319. Ze had netjes sprektied an e vroagt moar heur verhaal werd promp af e kapt. Het was gin agendapunt en der bleven mear beume stoan dan dat der ummekapt goat worden. De dame droop sip af. Ok al had wetholder Bosman gin geliek, de microfoon ging uut. Apart verhaal allemoal. Het blik dat de eiken te kort an de weg stoat; binnen vear en een halve meter, moar een ende wieterop bunt nieuwe beuken e pot op twee en een halve meter van de weg.

Ok wetholder Teselink mos luk zweiten toen het oaver aandelen ging van `n afvalverwarker. Het geet dan ok oaver leveringsplicht. Haha, straks mot wij mear afval maken met zien allen, umdat anders onze aandelen zakt in wearde.

Is oe de bokse al af e zakt? Dan kump noe het mooiste: de Eibargse karmisse met attracties zowat ín de winkels. Is dat een veiligheidsrisico? 'Bun ie gek', zegt Joost, 'dat mot kunnen'. De vergunning was an e vroagt met een blanco tekening en verleend.

Blanco tekening? Dus een vel papier woar niks op steet? Of woar boaven steet; hieronder de tekening, moar de punte was van `t potlood af.

Tjonge, jonge. De earste beste tekening die ik ooit wear indeen doo ik ok blanco. Heb ik misschien grotere kans dan mét tekening.

De postcommandant van de Eibargse brandwear vond `t wal geveurlijk, moar Joost vund dat den man zich bezig mot hollen met blussen as der brand is en neet veur de brand oet mot lopen.

Mien nichtje van dierenwinkel Discus, woar ok een attractie zowat binnen stond, had dus tied zat um wat nieuws te bedenken; de dierendouche. Zal ze ok wal an evroagt hebben met `n blanco tekening, want onder den douche krieg ie ok zon gekriebel.

Meer berichten