Foto: Majorie Nijbroek

Column: 't plezear van de eenen is 't verdreet van de anderen

  Column

Het Rijksinstituut voor Volksgezondheid geet de schadelijkheid van de poasboake onderzeuken. Dit noar anleiding van klachten van de stichting Houtrookvrij. Zo, dat is deroet. Kiek, doar heb ie wear zoiets: `t plezear van de eenen is `t verdreet van de anderen. Denk hierbie ok an Sinterkloas. Het bemeui van iedereene met mekeare lup zo toch flink oet de hand. Zo bunt noe de brulkikkers al an `t brullen in de viever en doar zal vas de stichting Nederland Brulvrij bezwoar tegen maken. Binnenkort kump der wear blad an de beume en doar zal de stichting Las van blad an de beume zich wear reuren. De tentfeesten komp der wear an en doar zal de stichting Met de grote oarne neet blie met wean. De electrische fietsen bunt een doorn in `t oog van de stichting Beweagen zonder hulpmiddelen.

Pissebuuls bun e wij an 't worden. Ik heb las van oe, ie hebt las van mien en samen heb wie las van iedereene. Iedereene mag natuurlijk een mening hebben, want wij leaft in een vrie land, moar as der dan een handbook oetkump veur pedofielen dat geet toch te wiet. Eigen mening of wat dan ok prima, moar val der een ander neet met lastig en hol `t veur oe.

Geniet van oe mening in gedachten en ie kriegt altied geliek. Dus lekker onderoet in den tuinstool met ne flesse voezel en ne dikke sigaare genieten van oezelf. Dat mag dan wal neet van de bond tegen voezel en van de stichting rookvrij, moar dat zal mien een worste wean. Dat vund de stichting dierenleed dan wear niet fijn, moar dat zal mien an de reet roesten. Dat vund de milieustichting vast neet fijn.

In gedachten denk ik efkes an mien schoonmoo, toen ze in `t bejaardenhoes zat had ze 's middags e kekken noar de greunwarkers in de tuin. 's Oavonds zegt ze: foi, foi, foi, wat `n veulers bunt dat toch: um de twee tellen stoat ze te kieken, ie zollen ze toch en inderdoad al dee drammers: ie zollen ze toch.

Meer berichten




Shopbox