Foto: Majorie Nijbroek

Column Marcel Stroet: Boeven

  Column

In de wintertied wurdt der `t meest in e brokken. Het is dan vrog donker en tegen de schemer goat de boeven al op jach. De politie gif dan ok tips an iedereene wat ie mot doon um boeven boeten de deure te hollen.

Ze goat der dan denk ik wal van oet dat boeven gin krante least of telavisie kiekt. Doot alle deur`n altied op slot en zurg dat der oaveral lech brendt, zodat `t net zul lieken alsof ie thoes bunt. Dit is dan ok veur den inbrekker wear makkelijk as he de batterieje op hef van ziene zakluchte. Noe heb ik eens deur de stroate hen e loop`n um te kieken of ie kunt zeen of iemand thoes is of weg. Wat blik: as ie dat een paar oavonden, doot kun ie al `n hoop ontdekken. Bie de meesten bie ons in de buurte was op wat oavenden lech an op plekken deet ze normaal neet lech maakt. Het blik dat de meesten nog mear lech an hebt as ze vot bunt dan dat ze thoes bunt. Vrogger had iedereene de achterdeure dag en nach los. Zeker bie ons op de boerderieje was dat heel gewoon. Het gemak dervan was ie konden net zo laate thoes kommen as ie wollen, want der was altied nog ne deure los. Dat is in dissen tied neet mear veur te stellen. Ik las van de wekke nog dat der argens in e brokken was en dat ze de urn van mooder hadden met e nommen. Wat zul iemand doar noe met motten? Zo was `t ne keare bie een van onze noabers op de boerderieje snachts ok onrustig. Tante den der bie in woon`n had gemossel e heurt in de beste kamer. Ze ging noar de sloapkamer van de jonge leu en zei: goat es effen onder kieken volgens mien wordt der in e brokken. Ach, zeiden de jonge leu goa, toch noar berre, der is niks. Een kwarteer later stond tante wear an berre, ze heur`n wear gemossel. Anton ging der oet um efkes te kieken en der was natuurlijk niks te zeen. Toen he wear boaven kwam zei tante: heb ie wal onder den divan e kekken? Nea, zeg Anton, moar dat doo ik noe meteen en dan goa ie wear sloapen. Anton wear noar onderen hen en tante stond op den oaverloop te luuster`n. Plots kwam der `n gevleuk en geschel oet de beste kamer. Tante rearn meteen iedereene oet berre: jongs gauw oe va is an `t veroeselen met ne boef. Toen de jongs beneden kwam zat Anton krom in mekeare op den divan. De jongs kekken um zich hen moar zoagen niks. Potverdomme zeg Anton beur ik den zwoaren divan op en toen vloog he mien oet de klauwen precies met den poot op mien groot`n teen.

reageer als eerste
Meer berichten

Shopbox