Logo berkelnieuws.nl


Foto: Majorie Nijbroek

Column Marcel Stroet: Dames en heren!

  Column

Kiek, wat hierboaven steet, dat kan dus neet mear, want ik las onlangs dat der nog mear soorten bunt. Bie de NS - ie wet wal: dee vlotten dee altied iets te late komt -, doar wurdt noe neet mear ummeroopen 'dames en heren', moar 'beste reiziger'. Dit um de zo geheten transgenders tegemoote te kommen.

Noe vroag ik mien twee dinge af: heb ze doar bie de NS neet wat betters te doon en wat is in vredesnaam `n transgender? Op de earste vroage kan ik zeggen dat ze der wal wat betters hebt te doon, zoas op tied rieden en iets oetvinden dat wannear `t blad van de beume kump ze neet meteen wear stille stoat en as `t iets sneeuwt ze ok neet kunt tuffen. Het idee is misschien simpel moar knup ne bladbloazer of `n sneeuwschoove veur an de trein en `t kan altied vedan.

Noe de transgenders, dat bunt leu dee zit in `t verkearde lichaam. Persoonlijk ken ik der ginne, alhoewal as ik der soms leu bie zee loop`n dan denk ik wal eens, ie hadden wal in `n iets strakker vel meugen zitten. Ie wet inmiddels dat ik vrogger op de nonnenschoole heb e zetten en dat wij in de zesde klasse nog amper wisten dat der twee soorten wazzen, loat stoan dree. Ik wet dat der vrogger bie ons nog wal eens een biezonder kearltje kwam met handelswaar.

He leep luk breed op `t spoer en proaten met `n zear hoog stemmeke en had as bienaam de kwenne. Ik vroog ne keare an mien va: 'weurumme neumt ze den de kwenne?' Het antwoordt was kort en duudelijk. Mien va zei: want `t is gin haane en gin henne.

Franklin Veldhuis
1 reactie
Meer berichten
CustomHtml_1