Foto: Majorie Nijbroek

Column: Welk soort

Tegenwoordig bunt der diverse soorten mensen met diverse soorten geveul en geaardheid. Vrogger wis ie amper dat der twee soorten waren, moar in disse vlugge tied bunt der diverse soorten leu. Wij ligt doar allange neet mear wakker van, mekaere in de wearde loaten is dan heel belangeriek.

Bepaalde dinge hoof ik neet te wetten van oe en ie neet van mien. Weurumme dat dan ieder moar blif schreeuwen oaver dee kaste en wat al neet wieter is mien een roadsel.

Ik zol zeggen as ie der gelukkig met bunt goat oe gang,an oe neuze kan ik neet zeen wat ie doot of neet doot. Zo had ik 'n discussie met een gemeente kearl oaver 't toilet in onze bioscoop. Ik heb doar 1 toilet veur ieder den efkes neug mot. Dat kon toch eigenlijk neet. Ik mos doar eigenlijk 3 soorten toilet hemmen. 1 veur kearls,1 veur vrouwleu en een veur transgenders.

Ik zeg zo; hoevulle wc potte heb ie eigenlijk bie oe thoes. Bie ons thoes hebt wij 1 pot woar ieder zien ding kan doon. Want hoe verschillend as wij ok bunt iedereene mot wal eens een ulk oet de kniepe halen. Ie kent `t vast nog wal koning, keizer, admiraal schijten moeten ze allemaal. Dus grote kul dat ieder zien eigen pot mot hemmen. Noe heb ik der wat op e vonden dat wie dan ok zich welkom veult op onze wc. Ik heb noe 5 verschillende kleuren kontpapier op e hangen.

Wit veur de vrouwleu, greun veur de kearls, rose veur de lesbische dames, pears veur de homeheren en oranje veur de transgenders. Ok heb ik der 'n schap e maakt met olde kranten veur de mensen dee 'n hekkel an verspilling hebt. Noe hop ik neet dat der straks iemand zo zuunig is dat he noa gebroek de krante wear terugge geet leggen.

Marcel Stroet

Stefan Wegdam
Meer berichten