Logo berkelnieuws.nl


Foto: Majorie Nijbroek

Column Marcel Stroet: De tonge brekken

  Column

Het blik dat der steeds mear leu bunt dee leage geletterd bunt en der in disse tied van digitaal gemas neet mear wet woar ieder `t oaver hef. Het zol met name kommen deur dat wij `t Engels en Nederlands deur mekaere hen hakselt.

Ik as dialectleefhebber heb doar ok de neudige meuite met. Zo was ik lest argens en heur`n ik dat der eene zat en den had `n abces an de knee. Degene dee dat zei proaten met `n iets te lange tonge, ie kent dat wal met z`on slisse en zee kek der heel strak bie.

Ik denk het zal wal heel arnstig wean. Den man met dat abces mos noar `t zeek`nhoes hen veur `n preoperatief onderzeuk. Ik zeg: zo ie mot noar den knee`ndokter hen. Nee zeg de slissende vrouwe; mien man mot noar de orthopedisch chirurg en den dech dat der ok nog multiligamentaire instabiliteiten bunt.

Ondertussen had dee vrouwe met de iets te lange tonge mien al kompleet met heur speeksel onder e sproeit. Later heb ik mien `t een en ander eens op e zoch en wat blik in good plat: he had `n etterpoes an `t knee hangen den kun ie ja zelf met `n warm noaldje zo deur stekken.

Ik heb de vrouwe e belt en e zeg wat ze doon mos. Ik zei moar zet wal `n mondkapske op, want ik mot der neet an denken dat der wat rotzooi op dee tonge van oe kump en dat ik dan noatied den earsten bunt woar ie tegen goat proaten.

1 reacties